Recordos… malditos sexan!
Recordo… cando te vin por primeira vez…
aquel sábado noite… parouse o tempo
e fiquei namorada.
Recordo cando te achegaches e me falaches…
e recordo o teu sorriso naquel momento.
Recordo tódolos sorrisos que me adicaches dende entón,
Eses que me alegraban o día pasara o que pasase…
Recordo os bicos roubados e os non roubados,
Tamén recordo cada abrazo, cada agarimo,
cada verba amorosa saída dos teus beizos…
Recordo todo aquilo que algún día me fixo sentir especial,
única… e que agora me atormenta e me fai sentir estúpida,
é agora cando me dou conta de como me utilizaches,
de como me enganaches… e aínda así… segues na miña mente,
aquel sábado noite, aquela primeira frase, os sorrisos, os bicos,
os abrazos, os agarimos, as verbas…
ÓDIOTE… ÁMOTE…